‘पठाओ’ का संस्थापक फहिमको आफनै निजी सहयोगीबाट हत्या

श्रावण—३, काठमाडौँ
राइड–सेयरिङ कम्पनी पठाओका संस्थापक फहिम सलेकाे हत्या गरेकाे आरोपमा उनकै सहयोगी पक्राउ परेका छन् । गत सोमबार न्युयोर्कस्थित म्यानह्याटनको अपार्टमेन्टमा फहिमको शव क्षतविच्छेद भएको अवस्थामा भेटिएको थियो । फहिमकाे हत्या आरोपमा उनकै निजी सहयोगी २१ वर्षका टाइरेस ह्यासपिल पक्राउ परेको बीबीसीमा समाचार छ । हत्यापछि टाइरेसले फहिमको क्रेडिट कार्ड प्रयोग गरेको देखिएको प्रहरीको भनाइ छ । हाल यस विषयमा थप अनुसन्धान भइरहेको छ । फहिमले स्थापना गरेको पठाओ कम्पनी बंगलादेश, नाइजेरिया र नेपालमा निकै लोकप्रिय छ । पठाओलाई हुसेन इलिएस र फहिमले संयुक्त रुपमा स्थापना गरेका थिए ।