रोजगारीका लागि युरोप पठाइदिन्छु भन्दै ठगी गर्ने महिला पक्राउ

१९ श्रावन, काठमाडौँ
युवालाई रोजगारीका लागि पोल्याण्ड पठाइदिन्छु भन्दै रकम ठगी गरेको अभियोगमा प्रहरीले एक महिलालाई पक्राउ गरेको छ ।

चितवन गर्दीकी ४० वर्षीया कमला कुमारी थापालाई प्रहरी अपराध महाशाखाले पक्राउ गरेको हो ।

थापाले पोल्याण्ड पठाइदिन्छु भन्दै पीडितलाई विभिन्न प्रलोभनमा पारी १७ लाख रुपैयाँ ठगी फरार भएको पाइएको माहाशाखाका प्रवक्ता एसपी इश्वर कार्की बताउनुभयो ।
अपराध महाशाखाको टोलीले उनलाई चितवन प्रहरीसँगको समन्वयमा चितवनबाट पक्राउ गरेको हो ।