नेपाललाई १० लाख डोज खोप अनुदामा दिने चिनियाँ राष्ट्रपतिको घोषणा

१२ जेठ, काठमाडौं– चीनले नेपाललाई १० लाख डोज कोरोना भाइरसविरुद्धको खोप अनुदान दिने भएको छ । दुवै देशका राष्ट्रपतिबीचको टेलिफोन कुराकानी भएपछि आज नै चिनियाँ राष्ट्रपति सी जिनपिङले १० लाख डोज खोप दिने घोषणा गरेका हुन् ।

टेलिफोन वार्तापछि नेपालका लागि चिनियाँ राजदूत हाउ यान्छीले चीनले नेपाललाई अनुदानमा खोप दिएको घोषणा गर्नुभएको हो ।

टेलिफोन वार्ताका क्रममा राष्ट्रपति विद्यादेवी भण्डारीले चिनियाँ राष्ट्रपति सी जिनपिङसँग खोप खरिदमा सहजीकरण गरिदिन पनि आग्रह गर्नुभएको थियो ।

चीनले यसअघि पनि नेपाललाई अनुदानमा ८ लाख डोज भेरोसेल खोप उपलब्ध गराएको थियो ।

During today's phone conversation with Nepali President Bidya Devi Bhandari, Chinese President Xi Jinping announced that China will provide 1 million doses of COVID-19 vaccines to Nepal under grant assistance. pic.twitter.com/0d2OWT2mYd

— Ambassador Hou Yanqi (@PRCAmbNepal) May 26, 2021