ब्राउनसुगरसहित झापाबाट दुई जना पक्राउ

१६ जेठ, झापा– प्रहरीले अवैध ब्राउनसुगर सहित झापाबाट दुई जनालाई पक्राउन गरेको छ ।

झापाको बुद्धशान्ति गाउँपालिका–३ धाईजन चोकबाट २ ग्राम ४ सय मिलिग्राम अवैध लागूऔषध ब्राउनसुगर सहित २ जनालाई शनिबार साँझ प्रहरीले पक्राउ गरेको हो ।

पक्राउ पर्नेहरुमा सोही पालिकाका ३१ वर्षीय भिमल बस्नेत र २९ वर्षीय बिशाल बस्नेत रहेका छन् ।

प्रहरीले उनीहरुलाई जाँच गर्ने क्रममा उक्त पदार्थ सहित फेला पारी पक्राउ गरेको जिल्ला प्रहरी कार्यालय झापाले जनाएको छ ।