स्वास्थ्यमन्त्री तामाङद्वारा सम्पति विवरण सार्वजनिक, कोरोना कहरबाट नेपालीलाई मुक्त गराउने भनाइ

२४ जेठ, काठमाडौं– स्वास्थ्यमन्त्री शेरबहादुर तामाङले सम्पति विवरण पत्रकार सम्मेलन गरी सार्वजनिक गर्नुभएको छ । स्वास्थ्य मन्त्रालयमा आयोजित पत्रकार सम्मेलनमार्फत सोमबार मन्त्री तामाङले सम्पति विवरण सार्वजनिक गर्नुभएको हो ।

पत्रकार सम्मेलनमा बोल्दै मन्त्री तामाङले आफूले जनप्रतिनिधिको हैसियतमा काम तथा कार्वाहीलाई पारदर्शी तुल्याउन सम्पति विवरण सार्वजनिक गरेको बताउनुभयो । मन्त्रिपरिषद् सदस्यको रुपमा आफूले विवरण सार्वजनि गरेको उहाँको भनाइ थियो ।

संवैधानिक प्रावधानअनुसार सार्वजनिक पद धारण गरेको व्यक्तिले ६० दिनभित्र सम्पति विवरण सार्वजनिक गर्नुपर्ने व्यवस्था छ ।