नेप्सेमा दोहोरो अंकको ‘करेक्सन’, कारोवार रकममा उल्लास कायमै

२६ जेठ, काठमाडौं– साताको चौथो दिन आज सेयर बजार परिसूचक नेप्सेमा दोहोरो अंकको करेक्सन आएको छ । सुरुवाती पहिलो घण्टा देखि नै तीव्र उतारचढाव देखिएको बजार १३ दशमलव ५६ अंकले घटेर २ हजार ९ सय ४६ दशमलव ५८ अंकमा झरेको हो ।

बजार घटेपनि कारोबार रकममा भने उल्लास कायमै छ । आज दिनभर कुल १ लाख ५५ हजार २३९ कारोबारबाट २२१ कम्पनीका ३ करोड १३ लाख ५४ हजार २२ कित्ता सेयर किनबेच भएका छन् । आज नेप्सेमा कुल १६ अर्ब ९९ करोड ७० लाख ९२ हजार ७०३ रुपैयाँ बराबरको कारोबार भएको हो ।

आज सर्वाधिक कमाउनेमा नेपाल इन्स्यारेन्सका लगानीकर्ताहरु रहेका छन् । यस कम्पनीको सेयर मूल्य ९ दशमलव ९५ प्रतिशतले बढेर १ हजार ६ रुपैयाँ पुगेको छ ।

यस्तै युनाइटेड मोदी हाइड्रोपावरक कम्पनी, रिढी हाइड्रोपावर कम्पनी, अरुण भ्याली हाइड्रोपावर, सीईडीबी हाइड्रोपावर, बरुण हाइड्रोपावर, पोखरा फाइनान्स र प्रभु इन्स्यारेन्सका लगानीकर्ताले पनि ९ प्रतिशत भन्दा धेरै कमाएका छन् ।

यता धेरै गुमाउनेहरुमा युनाइटेड आइडीआई मार्दी, महालक्ष्मी विकास बैंक, साइन रेसुंगा डेभलपमेन्ट बैंक, मितेरी डेभलपमेन्ट बैंक, गरिमा विकास बैंक, लुम्बिनी विकास बैंकका लगानीकर्ताहरु रहेका छन् ।