दाङको तुलसीपुरमा गोली चल्यो, दुई जना पक्राउ

२८ जेठ, काठमाडौं– दाङको तुलसीपुरमा एक जनाले पेस्तोलबाट गोली चलाएका छन् ।

प्रहरीले हवाइ फायर गर्नेलाई नियन्त्रणमा लिइसकेको जिल्ला प्रहरी कर्यालय दाङले जनाएको छ ।

प्रहरीले गोली चलाएको आरोपमा एक जनालाई पेस्तोलसहित पक्राउ गरेको हो भने अर्का एक जनाले बाइकमा भाग्न सहयोग गरेका कारण प्रहरीले पक्राउ गरेको हो ।

पक्राउ पर्नेमा तुलसीपुर ८ टिकरीका २४ वर्षीय पूर्ण वली र २१ वर्षीय आकाश चौधरी रहेको प्रहरीले जनाएको छ।

प्रहरीले यस विषयमा अनुसन्धान गरिरहेको जनाएको छ ।