केन्द्रीय सदस्यहरुसँग छलफल गर्ने कांग्रेसका तीन प्रभावशली नेताहरुको निष्कर्ष

१५ असार, काठमाडौं– नेपाली कांग्रेसका तीन प्रभावशाली नेताहरु अब केन्द्रीय सदस्यहरुसँग छलफलमा जुट्ने भएका छन् ।

नेताहरु विमलेन्द्र निधि, शशांक कोइराला र प्रकाशमान सिंह अब केन्द्रीय सदस्यहरुसँग छलफलमा जुट्ने भएका हुन्।

प्रभावशाली तीन नेताले एकअर्काको घरमा पालैपालो गई महाधिवेशनका विषयमा छलफल गरेका थिए । यो संवादको क्रममा गएको एक हप्ताभिमा भएको हो ।

तीन प्रभावशाली नेताहरुले मंगलबार सिंहको निवास चाक्सीबारीमा छलफल गरेका हुन् ।

उनीहरुले आगामी शुक्रबार केन्द्रीय सदस्यहरुसँग छलफल गर्ने तयारी गरेका छन् ।

त्यसलगत्तै १३ औं महाधिवेशनमा सभापतिको उम्मेवारहरुसँग छुट्टाछुट्टै छलफल उनीहरुको तयारी रहेको बताइएको छ।