भोली फेरी बस्नेगरि सकियो एमाले कार्यदलको बैठक, बैठक निष्कर्षउन्मुख

२३ असार, काठमाडौं– एमाले विवाद समाधानका लागि बसेको कार्यदलको बैठक सकिएको छ । कार्यदलको बैठक निष्कर्षउन्मुख भएको वार्ता टोलीका एक सदस्यले बताए ।

ती सदस्यले वार्ता भोलिसम्ममा एउटा निष्कर्षमा पुग्ने बताए ।

ओली पक्षिय कार्यदलका एक सदस्यले थप तयारीसहित भोलि ११ बजे फेरि बैठक बस्ने गरी आजको बैठक टुंगिएको बताए।

बैठकमा अध्यक्ष र वरिष्ठ नेतासँगको छलफलपछि टुंगोमा पुग्ने सहमति भएको उनले बताए ।

आजको कार्यदल बैठक हुनु अगाडि नेपालपक्षीय कार्यदल संयोजक नेता भीम रावलले माधवकुमार नेपालसँग भेट गरेका थिए ।

एमालेमा जारी विवाद समाधान गर्न दुवैपक्षका दोस्रो तहका नेता सक्रिय छन् ।