सर्वोच्चको फैसलापछि विपक्षी गठबन्धनको बैठक बस्दै

२८ असार, काठमाडौं– सर्वोच्च अदालतले संसद पुनः स्थापना गर्ने फैसला गरेसँगै विपक्षी गठबन्धनको बैठक माधवकुमार नेपाल निवास कोटेश्वरमा बस्दैछ ।

सर्वोच्चले संसद पुनर्स्थापना गरेर कांग्रेस सभापति शेरबहादुर देउवालाई प्रधानमन्त्री बनाउन परमादेश जारी गरेपछि विपक्षी गठबन्धनको बैठक बस्न लागेको हो ।

विपक्षी गठबन्धनको बैठकले आगामी योजनाबारे छलफल गर्ने स्रोतले जनाएको छ ।

विपक्षी गठबन्धनमा नेपाली कांग्रेस, नेकपा माओवादी केन्द्र, नेकपा एमालेको माधव नेपाल समूह, जनता समाजवादी पार्टीको उपेन्द्र यादव समूह र राष्ट्रिय जनमोर्चा रहेका छन् ।