नेकपा एमालेको स्थायी कमिटी बैठक स्थगित

२९ असार, कठमाडौं– आज बस्ने भनिएको एमाले स्थायी कमिटी बैठक स्थगित भएको छ ।

आज अपरान्ह १ बजेका लागि निर्धारित स्थायी कमिटी बैठक स्थगित भएको हो ।

दिउँसो २ बजेका लागि प्रधानमन्त्रीले देशबासीका नाममा सम्बोधन गर्ने कार्यक्रम तय भएकाले पूर्व निर्धारित स्थायी कमिटी बैठक स्थगित भएको सचिव शेरबहादुर तामाङले जानकारी दिए ।

स्थायी कमिटी बैठकको अर्को मिति भने तय भएको छैन ।

यसअघि पार्टी विवाद समाधानका लागि वार्ता कार्यदलले तयार पारेको १० बुँदे सम्झौता अनुमोदन गर्न सोमबार साँझ बैठक डाकिएको थियो ।

यद्यपि सर्वोच्चको फैसलाका कारण आएको परिस्थितिले गर्दा बैठक अनौपचारिक रुपमा बसेको थियो ।

एमाले स्थायी कमिटी बैठक माधव नेपाल पक्षसहित राख्नेगरी छलफल भइहेको स्रोतले जनाएको छ ।