‘फ्लोर क्रस’ गरेर प्रधानमन्त्री देउवालाई विश्वासको मत दिने सांसदसँग स्पष्टीकरण माग्ने एमालेको तयारी

४ साउन, काठमाडौं– नेकपा एमालेले प्रधानमन्त्री शेरबहादुर देउवालाई विश्वासको मत दिने सांसदहरुलाई स्पष्टिकरण सोध्ने तयारी गरेको छ ।

प्रधानमन्त्री शेरबहादुर देउवालाई विश्वासको मत दिने क्रममा नेकपा एमालेका सांसदहरुले ‘फ्लोर क्रस’ गरेसँगै ‘फ्लोर क्रस’ गरेका सांसदलाई एमालेले स्पष्टीकरण सोेध्ने तयारी गरेको हो ।

आइतबार नेपाली कांग्रेसका सभापति एवम् प्रधानमन्त्री देउवालाई वरिष्ठ नेता माधवकुमार नेपाल सहित २२ जनाले विश्वासको मत दिएका थिए ।

प्रधानमन्त्री देउवालाई विश्वासको मत दिनेमा नेकपा एमालेका प्रेम आले, हिराचन्द्र केसी, किसान श्रेष्ठ, पावर्ती विसङखे, कलिला खातुन, विनादेवी बुढाथोकी, धनबहादुर बुढा र समिमा हुसेन रहेका थिए ।

त्यस्तै वरिष्ठ नेता माधवकुमार नेपालसहित रामकुमारी झाँक्री, मेटमणि चौधरी, विरोध खतिवडा, मुकुन्द न्यौपाने, निरादेवी जैरु, सरला यादव, लक्ष्मी चौधरी, पुष्पा कर्ण, कृष्णलाल महर्जन, भवानी खापुङ, कल्याणी खड्का, सरला यादव र गोपाल बमले पनि प्रधानमन्त्री देउवालाई विश्वासको मत दिएका थिए ।