माधव नेपाललाई भेट्न कोटेश्वर पुगे विष्णु पौडेल

१५ साउन, काठमाडौं– नेकपा एमालेका वरिष्ठ नेता माधवकुमार नेपाललाई उपमहासचिव विष्णुप्रसाद पौडेल नेपाल निवास कोटेश्वर पुगेका छन् ।

नेपाल निवासमा अहिले दुई नेताबीच भेटवार्ता चलिरहेको स्रोतले जनाएको छ ।

यसअघि हिजो (बिहीबार) नेता नेपाललाई संसदीय दलका उपनेता सुवास नेम्वाङले भेटेका थिए । भेटमा नेता नेपालसँग अध्यक्ष केपी शर्मा ओली निकट नेम्वाङ र पौडेलले पार्टी एकताबारे छलफल गरेको बताइएको छ ।

गत असार २७ गते विवाद समाधान कार्यदलले दशबुँदे सहमति गरे पनि एमालेको विवाद हल हुन सकेको छैन । अध्यक्ष ओलीले कार्यदल नै विघटन गरेका छन् । तर अनौपचारिक वार्तालाई कायम राख्न नेम्वाङ र पौडेल नेता नेपाललाई भेट्न पुगेको बताइएको छ ।