नवनियुक्त अर्थमन्त्री जनार्दन शर्माको पहिलो निर्णयः खोप खरिदका लागि ५ अर्ब निकासा

३० असार, काठमाडौं– अर्थ मन्त्रालयले खोप खरिदका लागि स्वास्थ्य तथा जनसंख्या मन्त्रालयलाई थप ५ अर्ब बजेट निकासा दिने भएको छ ।

नवनियुक्त अर्थमन्त्री जनार्दन शर्माले आज पदभार ग्रहण गर्दै कोरोनाविरुद्धको खोप खरिदका लागि थप ५ अर्ब रुपैयाँ निकासा दिने निर्णय गर्नुभएको हो ।

नवनियुक्त अर्थमन्त्री शर्माको यो पहिलो निर्णय समेत हो ।

‘सरकार कोरोना महामारीमा जनताको जीवन रक्षामा केन्द्रित रहन्छ।’ पदभार ग्रहण गर्दै अर्थमन्त्री शर्माले भने ।

उनले आज नै स्वास्थ्यकर्मीहरुलाई जोखिमभत्ताका लागि रकम स्वीकृति सदर समेत गरेका छन्।

नवनियुक्त सरकारको मंगलबार बसेको पहिलो मन्त्रिपरिषदको बैठकले चैत महिनाभित्र सबै नेपालीलाई खोप उपलब्ध गराउने निर्णय गरेको थियो।