कांग्रेसले सुल्झ्यायो ९६ प्रतिशत क्रियाशील सदस्यता वितरण विवाद

१४ साउन, काठमाडौं– नेपाली कांग्रेसको क्रियाशील सदस्यता छानबिन समितिले पार्टीलाई प्रतिवेदन बुझाएको छ । क्रियाशील सदस्यता विवरणमा नमिलेका केही स्थानमा सहमति कायम गरेर समितिले प्रतिवेदन बुझाएको हो ।

यस अघि अपुरो प्रतिवेदन पेश गरेको समितिले केही स्थानमा पुनः सहमति जुटाएर पुरक प्रतिवेदन बुझाएको छ । झण्डै सय वडामा विवाद रहेर नटुंगिएको ९६ प्रतिशत क्रियाशिल सदस्यता टुंगो लागेको समितिले जनाएको छ ।

समितिले काँग्रेस सभापति शेरबहादुर देउवाको नीजि निवास बुढानिलकण्ठमा जारी पदाधिकारी बैठकमा पुरक प्रतिवेदन बुझाएको हो ।

सोही प्रतिवेदनमाथि पदाधिकारी बैठकमा छलफल भइरहेको छ ।