उपत्यकाको निषेधाज्ञा अझै खुकुलोः सार्वजनिक यातायात खुले

असार १४, काठमाडौं– उपत्यकामा जाी निषेधाज्ञा अझ खुकुलो बनाउँदै एक साता लम्ब्याइएको छ ।

उपत्यकामा कोरोना संक्रमणको ‘चेन ब्रेक’ गर्न लगाइएको निषेधाज्ञा अझ खुकुलो बनाइएको हो ।

उपत्यकाका तीन जिल्लाका प्रमुख जिल्ला अधिकारीको संयुक्त बैठकले निषेधाज्ञा खुकुलो पार्दै पहिलेका नियमहरुमा परिमार्जन गरी निषेधाज्ञा लम्ब्याएको हो ।

बैठकले सार्वजनिक यातायात भोलीदेखि जोरविजोरमा चलाउ दिने निर्णय गरेको काठमाडौंका प्रमुख जिल्ला अधिकारी कालीप्रसाद अधिकारीले बताए ।

यद्यपि उपत्यकाका तीन जिल्ला भित्रमात्र २५ भन्दा धेरै सिट क्षमता भएका सार्वजनिक यातायातका साधन जोरविजोरमा प्रणलीमा चल्ने गरी निर्णय गरिएको उनले बताए।

यसैगरी खाद्यपसल ६ बजेदेखि दिनभर, अन्य पसल ११ बजेदेखि बेलुका ६ बजेसम्म प्रत्येक दिन खोल्न दिने निर्णय भएको उनले बताए। अन्य नियममा भने परिमार्जन नगरिएको उनको भनाइ थियो ।

उपत्यकामा जारी निषेधाज्ञा आज राति १२ बजेदेखि सकिदैँछ ।