संसद विघटनविरुद्धको रिटमा हस्ताक्षर गर्न विपक्षी दलका सांसदहरु सिंहदरबारमा

१० जेठ, काठमाडौं– सर्वोच्च अदालतमा संसद विघटनविरुद्ध दायर गर्ने रिटमा हस्ताक्षर गर्न सुरु भएको छ । रिटमा हस्ताक्षर गर्न अहिले माधवकुमार विपक्षी गठबन्धनका नेताहरु सिंहदरबार पुगेका छन् ।

संसद विघटनविरुद्ध सर्वोच्चमा दायर गरिने रिट तयार भएसँगै हिजोदेखि नै सांसदहरुले हस्ताक्षर गर्ने क्रम जारी छ । विपक्षी गठबन्धनले तयार गरेको रिटमा बहुमत दाबी गरेका प्रत्येक सांसदले हस्ताक्षर गर्नुपर्ने र ल्याप्चे लगाएर सर्वोच्च अदालतमा रिट दायर गर्ने तयारी गरेको छ । सोही कार्यका लागि अहिले सिंहदरबार संसदीय दलको कार्यालयको विभिन्न तीनओटा हलमा हस्ताक्षर संकलन जारी रहेको एक नेताले बताउनुभयो । केही सांसदहरुले भने वारेसनामा दिएको उहाँले बताउनुभयो ।

प्रधानमन्त्रीको सिफारिसमा राष्ट्रपतिले शुक्रबार मध्यरातमा संसद विघटन गरेपछि विपक्षी गठबन्धनले १४९ जना सांसदको हस्ताक्षरसहित आज सर्वोच्चमा रिट दायर गर्ने तयारी गरेको छ ।

संविधानको धारा ७६(५) अनुसार नयाँ सरकार गठन आह्वान हुँदा विपक्षी गठबन्धनले बहुमत सांसदको हस्ताक्षर सहित आफ्नो बहुमत दाबी गरेको थियो ।