स्वास्थ्य मन्त्रालयको प्रवक्ताको जिम्मेवारीबाट प्रा. डा. जागेश्वर गौतमलाई हटाइयो

१० जेठ, काठमाडौं– स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमलाई प्रवक्ताको जिम्मेवारीबाट हटाइएको छ । प्रवक्ता गौतमलाई सोमबारको मन्त्रीस्तरीय निर्णयबाट प्रवक्ताको जिम्मेवारीबाट मुक्त गरिएको हो ।

प्रवक्ता बाट हटाएर उनलाई वीर अस्पतालको प्रमुखको जिम्मेवारी दिइएको छ ।

यसअघि उनी स्वास्थ्य मन्त्रालयको प्रवक्ताका साथै थापाथली प्रसुती अस्पतालको प्रमुख थिए । गौतमलाई युनिफाइड केन्द्रीय अस्पताल (वीर अस्पताल)को प्रमुख प्रशासकीय अधिकारीका रुपमा पठाइएको बताइएको छ ।

गौतमको ठाउँमा मन्त्रालयले प्रवक्ताको जिम्मेवारी भने कसैलाई तोकिएको छैन ।