गण्डकी प्रदेशसभाका मुख्यमन्त्री गुरुङद्वारा विश्वासको मत माग, प्रदेशसभा बैठक जारी

२७ जेठ, काठमाडौं– गण्डकी प्रदेशसभाका मुख्यमन्त्री पृथ्वीसुब्बा गुरुङले आफूलाई विश्वासको मत दिन आग्रह गर्नुभएको छ ।

मुख्यमन्त्री गुरुङले प्रदेशसभाको पूर्णकार्यकाल र संघीयताको सबलीकरणका लागि विश्वासको मत माग गर्नुभएको हो ।

विश्वासको मत माग्दै मुख्यमन्त्री गुरुङले, ‘कहिलेकाहीँ राजनीति तरल बन्छ । यतिबेला सबै संयम हुनुपर्छ । म प्रदेशसभा पूर्णकार्यकाल चलोस् र संघीयता सबल होस् भन्ने चाहन्छु । यसप्रति प्रदेशसभा सदस्यहरुले विचार गर्नुहुने विश्वास लिएको छु’, भन्नुभयो ।

मुख्यमन्त्री गुरुङले आफूले जनअपेक्षा अनुसार काम गरेको बताउँदै सबैलाई मिलाएर अघि बढ्ने प्रतिबद्धता पनि व्यक्त गर्नुभएको छ ।