३५ घण्टापछि रोङ्सीमा जमेको ताल खुल्यो

६ असार काठमाडौं– ३५ घण्टासम्म थुनिएको तामाकोसीको सहायक रोङ्सी खोला खुलेको छ ।

चिनियाँ पक्षले रोङ्सीमा जमेको ताल खुलाएर पानीको निकास दिएको हो ।

सावधानी अपनाएर रोङ्सी खोलाको तालमा जमेको पानीलाई निकास दिएको चिनियाँ पक्षले जनाएको छ ।

चिनियाँ पक्षले पानीलाई निकास दिएपछि अवस्था सहज बनेको प्रमुख जिल्ला अधिकारी दोलखाका प्रमुख जिल्ला अधिकारी वासुदेव घिमिरेले बताए । ‘चिनियाँ पक्षले तालबाट सुरक्षित रुपमा पानीलाई निकास दिएका छन् । तत्कालका लागि तामाकोसी तटीय क्षेत्रमा संकट टरेको छ’ घिमिरेले भने ।

रोङसीको निकासपछि तामाकोसी बहावमा केही उतारचढाव आएको छ ।

रोङ्सी खोलामा शुक्रबार राति चीनको तीङग्री काउन्टी नजिकैको पहिरोले तामाकोसीको सहायक रोङसी खोला थुनिएको थियो ।