दाङमा एक साता लम्बियो निषेधाज्ञा, भोलीदेखि सार्वजनिक सवारी खुल्ने

१५ असार, काठमाडौं– दाङमा जारी निषेधाज्ञा असार २२ गतेसम्मका लागि लम्ब्याएको छ । जारी निषेधाज्ञामा एक साता थप गरी दाङमा निषेधाज्ञा लम्ब्याइएको हो ।

यद्यपि यसपालिको लकडाउनमा केही व्यवस्थामा परिमार्जन गर्र्दै खुकुलो बनाइएको छ ।

दाङमा जारी निषेधाज्ञामा अब छोटो दूरीका सार्वजनिक यातायात स्वास्थ्य मापदण्ड पूरा गरेर जिल्ला भित्र सञ्चालन गर्न पाइने भएको छ ।

यसैगरी प्रशासनले सरकारी कार्यालय, बैंक र वित्तीय संस्था बिहान १० देखि बेलुका ५ बजेसम्म खोल्ने निर्णय भएको छ ।

त्यस्तै खाद्यान्न तथा अन्य पसलहरु बेलुकी ६ बजेसम्म खोल्न पाइने भएको छ।

अन्य सेवाको हकमा भने पुरानै व्यवस्था लागू हुने जिल्ला प्रशासन कार्यालय दाङले जनाएको छ ।